6 июн. 2010 г.

Маънии суҷудам


Эй ки гули хаёли ту.

Бируста дар вуҷуди ман.
Вале ғизои решааш,
Зи хуну тору пуди ман.

Ва ҳар қадар ки паҳн шуд,
Чу баргҳои қиссаат.
Ҳамон қадар бузург шуд,
Маро фироқу ғуссаат.

Ҳамон қадар, ки мондаам,
Ба зери сояат ба дард,
Ҳамон қадар ба чеҳраам,
Нигора шуд ранги зард

Бубин, ки сард мешавам,
Зи гармии хаёли ту,
Ва чеҳразард мешавам,
Зи сурхи хатту холи ту.

Бирустӣ дар вуҷуди ман.
Вале аз они дигарӣ.
Канори дигарон, вале,
Маро ту хуни ҷигарӣ.

Бирустӣ дар вуҷуди ман,
Бихурди тору пуди ман,
Ту маънии суҷуди ман!
Паёму ҳам дуруди ман!

Хуҷанд, 2-юми моҳи жюни соли 2010, соати 11:21

1 комментарий:

Odinamuhammad комментирует...

Durud bar shumo barodare aziz!!!
Agar somonahoi bandaro dar somonai purmuhtavoi khud payvand (link) medoded mamnun meshudam. Baroyaton dar in joda muvaffaqiyatho orzumandam.

http://www.qurontj.blogveb.com
http://islomtj.blogfa.com

Az lutfaton mutashakkiram!